Автомобил „пежо“ со македонска регистрација во Петок рано утрината изгоре на патот Банско-Симитли откако удрил во дрво, јави БГНЕС.
65-годишниот возач не е повреден, но автомобилот изгорел. Автомобилот утрото околу 4 часот излетал меѓу маалата Марево и Срндачка во селото Градево, општина Симитли.
Сообраќајната несреќа се случила на лева кривина. Автомобилот излетал надесно, излетал од патот и удрил во дрво. Потоа се запалил. До доаѓањето на противпожарната бригада, пожарот целосно ги уништил моторниот простор и патничкиот простор. Од пожарот не е зафатен само задниот дел на пежото.
Возачот со возило на Итна медицинска помош бил пренесен во итната помош на болницата Благоевград, не се констатирани повреди и утрото во 6 часот бил пуштен на домашно лекување.
Возачот, кој најверојатно заспал зад воланот, се враќал од Грција.