Министерството за внатрешни работи објави снимка од приведувањето на поранешниот премиер на соседна Бугарија и лидер на ГЕРБ Бојко Борисов, поранешната директорка на прес-центарот на Советот на министри Севделина Арнаудова и поранешниот министер за финансии Владислав Горанов.
Акцијата на МВР е спроведена со целосно почитување на законот и лицата против кои се преземени процесни и истражни дејствија, се вели во соопштението на МВР.
Во текот на полициската акција извршени се претреси и заплени на три адреси. Полицијата во период до 24 часа приведе три лица на кои претходно им бил извршен лекарски преглед во Медицинскиот институт на МВР.
Според првично добиените информации, имало сугестија дека дел од нивните дејствија би можеле да бидат поврзани со некои од 120-те предмети на кои работи Европското јавно обвинителство. По извршување на процесно-истражните дејствија и анализа на прибраните докази и списи, се проценува дека материјалите ќе бидат пријавени до Софиското градско обвинителство.
Сепак не му покренаа обвинение на поранешниот премиер на соседна Бугарија, според верувањата на сегашната власт тоа е затоа што јавниот обвинител е негов човек и тие неможат да го сменат.